ਇਹ ਲੀਗ ਪਾਕਿਸਤਾਨ ਨਾਲ ਮਿਲ ਕੇ ਕਰਾਈ ਜਾਵੇਗੀ ਅਤੇ ਇਸ ਦੇ ਲਈ ਪੰਜਾਬ ਸਰਕਾਰ ਨੇ ਇਕ ਪ੍ਰਾਈਵੇਟ ਕੰਪਨੀ ਨਾਲ ਰਾਬਤਾ ਕਾਇਮ ਕੀਤਾ ਹੈ। ਪਾਕਿਸਤਾਨ ਪੰਜਾਬ ਅਤੇ ਭਾਰਤੀ ਪੰਜਾਬ ਸਰਕਾਰਾਂ ਵਿਚਾਲੇ ਸਭ ਕੁਝ ਤੈਅ ਹੋ ਚੁੱਕਾ ਹੈ ਅਤੇ ਇਸ ਲੀਗ ਦੇ ਅੱਧੇ ਮੈਚ ਪਾਕਿਸਤਾਨ 'ਚ ਅਤੇ ਅੱਧੇ ਭਾਰਤ 'ਚ ਖੇਡੇ ਜਾਣਗੇ। ਜਿਹੜੀ ਪ੍ਰਾਈਵੇਟ ਕੰਪਨੀ ਨਾਲ ਸੰਪਰਕ ਕੀਤਾ ਗਿਆ ਹੈ ਉਹ ਕਬੱਡੀ ਕੱਪ ਅਤੇ ਲੀਗ ਨੂੰ ਸਪਾਂਸਰ ਕਰੇਗੀ।
ਇਸ ਬਾਰੇ ਪੰਜਾਬ ਦੇ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਨੇ ਕਿਹਾ ਕਿ ਇਸ ਵਾਰ ਸਾਡੀ ਯੋਜਨਾ ਲੀਗ ਕਰਾਉਣ ਦੀ ਹੀ ਹੈ। ਇਸ ਦੇ ਬਾਰੇ ਆਖ਼ਰੀ ਫੈਸਲਾ ਜਲਦ ਹੀ ਲੈ ਲਿਆ ਜਾਵੇਗਾ। ਅਸੀਂ ਚਾਹੁੰਦੇ ਹਾਂ ਕਿ ਇਕ ਸਾਲ ਕਬੱਡੀ ਕੱਪ ਹੋਵੇ ਅਤੇ ਇਕ ਸਾਲ ਲੀਗ ਕਰਵਾਈ ਜਾਵੇ।
ਗੌਰਤਲਬ ਹੈ ਕਿ ਸਰਕਾਰ ਨੇ ਇਹ ਯੋਜਨਾ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਹੀ ਬਣਾ ਲਈ ਸੀ ਪਰ ਇਸ ਦਾ ਖੁਲਾਸਾ ਨਹੀਂ ਕੀਤਾ ਸੀ।
No comments:
Post a Comment